КУЧЕМ УВЕР

Шӧр «эҥерлак» йогышаш

Шӧр «эҥерлак» йогышаш

Марий Эл вуйлатышын пашажым жаплан шуктышо Александр Евстифеев ты каныш кечылаште республикысе пердприятий-влак дене палыме лийын.

Эн ончычак кундемыштына ик эн сай фермер озанлыклан шотлалтше  «Пригородный» СПК-ште да шӧрым ыштен налме шотышто Российыште эн кугу 50 озанлык радамыш пурышо «Племзавод «Семеновский» ЗАО-што лийын.

Икымшыштыже Александр Александрович шӧр ден шыл полуфабрикатым ыштыме цехлам ончен савырнен. Тиде озанлыклан тудо умбакыжат кушкаш, сату ассортиментым ешараш, киндым пыштыме, пакчасаскам ончен-куштымо, полуфабрикатым ыштыме производствым умбакыжат вияҥдаш темлен.  

«Семеновский» племзавод дене палыме лиймым А.Евстифеев Данилово шӧр комплекс гыч тӱҥалын. Тылеч вара племзаводын «визитный картычкыжлан» шотлалтше кумыс фермыште лийын.

Озанлыклаште лиймыж годым республик вуйлатышын пашажым жаплан шуктышо нунын сеҥымашышт нерген веле огыл пален налын, эше улшо нелылык-влакымат рашемден.

Теҥгече правительстве пӧртыштӧ эртыше совещаний тидланак пӧлеклалтын ыле. Тудын нерген кумдан возымо материалым шушаш шуматкече номерыште лудын кертыда.

Л.Камалетдинова.

Опубликовать в Одноклассники

Добавить комментарий