УВЕР ЙОГЫН

17-23 августлан гороскоп

 

Шорык

Арнян икымше пелыштыже тазалыкда начарем кертеш. Сандене мом кочмылан кугурак тӱткышым ойырыман. Тыгодым эмым шуко йӱаш тыршыман огыл. Кугурак пашам арнян кокымшо пелыжлан палемдыман. Кӱлешан йодыш-влакымат тунамак рашемдыман.

Презе

Арня тӱҥалтыште йӧратыме еҥдалан ӱшан йомеш. Туге чучаш тӱҥалеш, пуйто тудо тендан деч ала-мом шылта. Арнян кокымшо пелыштыже утларак жапым усталыклан, тунеммашлан, канышлан, путешествийлан ойыраш келшен толеш. Шкет еҥ-влак шӱмбелыштым вашлийын кертыт.

Йыгыр

Арнян икымше пелыштыже паша ден мӧҥгӧ коклаште «куржталаш» логалеш. Тыланда черле лишыл еҥдалан але икшывыдалан кугу тӱткышым да шуко жапым ойыраш перна. Пелашдан тыршымыж дене ешыштыда окса ешаралтеш.

Рак

Арня тӱҥалтыште у еҥ-влак дене палыме лияш да корнышко тарванаш огеш темлалт. Воктеныда улшо еҥ-влак тендам ондалаш тыршен кертыт. Тыгак мутланыме годым умылыдымашат лектеш, очыни. Тиде амал дене коклаштыда тума тарванен кертеш.

Лев

Тиде жапыште окса ситыдымым чотак шижыда. Амалже иктаж кугу сатум налме але ондалалтме дене кылдалт кертеш. Сандене кеч-кушко кайымыда годымат окса дене пайдаланыме годым тӱткӧ лийман. Каныш кечыла вашеш кумылда нӧлталтеш да илыш куандараш тӱҥалеш.

Ӱдыр

Арнян икымше пелыштыже тендам эн чотшо йӧратыме еҥда тургыжландараш тӱҥалеш. Туге чучеш, пуйто тудо тендан деч ала-мом шылта. Ты амал дене шӱмбелдалан ӱшанда иземеш. Но иктешлымашым ышташ ида вашке: шонымашда йоҥылыш лийын кертеш.

Виса

Тыланда арня тӱҥалтыште шкан ӱшан огеш сите. Тазалыкда начереммылан кӧра палемдыме чыла пашамак кӱлеш семын шуктен огыда керт. Шкет лияш ида тырше. Утларак жапым еҥ-влак коклаште эртарыза. Каныш кечылам мӧҥгысӧ сомыллан пӧлеклыза.

Скорпион

Йолташда-влак дене умылыдымаш лектын кертеш. Нунын дене ик ойыш шуаш нелырак лиеш. Арнян кокымшо пелыштыже у еҥ дене палыме лийын

кертыда. Тидлан тӱрлӧ вере миен толаш тыршыза. Каныш кечылаште пӱртӱсыш лектын кертыда.

Пикшызе

Тыланда арня тӱҥалтыште шуко жапым да вийым пашалан пӧлеклаш логалеш. Тыгак мӧҥгыштыдат тендам ятыр сомыл вуча. Арнян кокымшо пелыштыже оксада ешаралтеш. Ты амал дене кевыт еда коштын савырнаш да шукертсек шонымыдам налаш йӧн лектеш.

Ирказа

Ала-могай уверым пален налыда. Но тудын шотышто ыштыме иктешлымашда йоҥылыш лийын кертеш, сандене ида вашке. Корныш машина дене тарванаш огеш темлалт – йомын але умылаш лийдыме сӱретыш логал кертме лӱдыкшӧ уло.

Вӱд йоктарыше

Вий-куатда иземмым шижыда. Тидыже пашам кӱлын шукташ чаракым ышта. Сусырген кертыда, сандене тӱткырак лийза, шкендам эскерыза. Оксам арымеш налашат, пуашат огеш темлалт. Арня мучаште тазалыкда тӧрлана. Пашаште у должностьым темлен кертыт.

Кол

Арнян икымше пелыштыже йӧратыме еҥда дене нимо шотыштат ида ӱчаше, молан манаш гын кызыт ситуацийым чын аклен огыда керт. Каныш кечылам йолташда-влак дене эртарыза. У еҥ дене палыме лийыда. Тудо тендам ончыкыжым шукылан туныкта.

Л.КАМАЛЕТДИНОВА

Опубликовать в Одноклассники

Добавить комментарий