Республикысе 5 колледж ден техникумышто тунемше-влак тений март гыч июль марте Ворлдскилс Россия стандарт-влак дене вич компетенций дене демонстрационный экзаменым кученыт:
– «Маляр да декоративный паша» – Йошкар-Оласе строительный техникум;
– «Легковой автомобильым олмыктымаш да ослуживатлымаш» – Аграрно-строительный техникум;
– «Банк паша» – Йошкар-Оласе технологий колледж;
– «Бухгалтер учёт» – Марий радиомеханический техникум;
– «Медицине да социальный полыш» – Йошкар-Оласе медицине колледж.
Шинчымашым чылаже 98 студент терген. Каласыман, тенийсе экзамен-влакым у коронавирус инфекций шарлыме ваштареш чараклан кӧра Роспотребнадзорын йодмашыже-влакым шотыш налын эртарыме.
Тыгай йӧн дене кугыжаныш итоговый аттестацийым эртыше выпускник-влаклан кыдалаш профессионал образованийым налме нерген дипломым веле огыл, тыгак компетенций паспортым (Skills Passport) кучыктеныт. Паспортышто демонстрационный экзаменыште погымо балл-влак ончыкталтыт, тидыже паша рынкыште сай конкурент лияш да паша верым муаш йӧным ышта.
Г.КОЖЕВНИКОВА
