Йоча да самырык-влакын мер объединенийыштым вуйлатыше да ончылъеҥыштлан увертарыме «XXI курымын лидерже» всероссийский конкурсын республикысе этапшым иктешлыме. Сеҥышыш Юл кундем кугыжаныш технологий университетын студенткыже Дарья Румянцева лектын.
Ӱдыр моштымашыжым «Йоча/самырык-влакын мер объединенийыштым 18-23 ийготан-шамыч коклаште вуйлатыше» номинацийыште терген. Конкурс «Образований» национальный проектын «Социальный чолгалык» регионысо проектше дене келшышын эртен.
Финалыште участник-влак вуйлатыме мер организацийышт да пашашт дене палдареныт. Тидын деч посна нуно 15 минутышто экспресс-проектым ямдылымаште мастарлыкым ончыктеныт. Дарья Румянцева «Порылык шӱртӧ» проектым темлен, тудын тӱҥ шонымашыже – социальный сеть полшымо дене икте-весылан полыш.
Ӱдыр мер илышыште веле огыл, тунеммаштат ончылно, адакшым Юл кундем кугыжаныш технологий университетыште тудо – студент-влакын ушемыштын председательже.
Г.КОЖЕВНИКОВА
