ТАЧЕ ЯЛЫШТЕ

Николай Очетовым шарнен чапландареныт

Верла гыч увер

Николай Очетовым шарнен чапландареныт

Волжский районысо Ӱлыл Азяъял ялыште журналист, туныктышо, поэт да фронтовик Николай Очетовым шарныме лӱмеш «Эре шӱмыштына ила» кас эртен.

Тудым верысе книгагудым вуйлатыше Л.Романова ден клуб пашаеҥ-влак организоватленыт. Мероприятийыш «Азъял кундем» фольклор коллектив, «Сельчанка» клубын еҥже-влак, тыгак верысе калык ден лӱмгече озан родо-тукымжо погыненыт.

Касыште Л.Уртьева Николай Ивановичлан возымо почеламутшым лудын, В.Белкова сылне марий мурым мурен, Пӧтъял школын тунемшыже-влак поэтын почеламутшо-влакым йоҥгалтареныт, «Николай Очетов – самырык поэт, туныктышо, журналист да фронтовик» выставкым ончен лончыленыт. Пайрем оҥайын да пайдалын эртен.

М.ИВАНОВА.

Опубликовать в Одноклассники

Добавить комментарий