УВЕР ЙОГЫН

Тӱҥ амал – кочкышын акше 

Марий Эл правительствын 2020 ий 28 июльысо 292-шо №-ан пунчалже дене тений II кварталыште регионыштына илен лекташ кӱлмӧ окса кугытым пеҥгыдемдыме. Тудын дене келшышын, ик еҥлан ик тылзыште кокла шот дене 10067 теҥге кӱлеш: пашам ыштыше калыклан – 10735 теҥге, пенсионерлан – 8222 теҥге, йочалан – 10415 теҥге. 

I кварталысе дене таҥастарымаште II кварталыште ик еҥлан илен лекташ кӱлмӧ окса кугыт 6,43 процентлан кӱзен. Тидыже потребительын корзиҥгашкыже пуртымо южо кочкыш продуктын (пареҥгын 55,09 процентлан, макарон ден шӱрашын 14,59 процентлан, ош вуян ковыштан 30,05 процентлан, шоганын 55,99 процентлан, кешырын 45,03 процентлан, емыж-саскан 14,68 процентлан) шергештмыж дене кылдалтын. 2019 ий II кварталыште ик еҥлан илен лекташ кӱлмӧ кугыт 2,42 процентлан кӱзен ыле. 

М.ИВАНОВА

Опубликовать в Одноклассники

Добавить комментарий