УВЕР ЙОГЫН

Тыге корным вончаш лӱдыкшыдымырак

Кодшо арнян Воин-Интернационалист ден Петров урем-влак ушнымаште «Город» МУП-ын пашаеҥже-влак «зебре» покшелан «лӱдыкшыдымылык отром» ыштеныт.
Тидыже йолешке-шамычлан лопка корным вончаш лӱдыкшыдымырак лийже манын ышталтын. Вет светофорышто ужар тӱл йӱлымӧ годым кӧ жапыштыже корным вончен шуктен огыл гын, ынде тыште вучалташ йӧн уло. Адакшым автомашинам виктарыше-влакат савырнымышт годым «лӱдыкшыдымылык отрош» пурен огыт керт.
Пашам эше мучашлыме огыл, лишыл кечылаште тышке асфальтым шараш тӱҥалыт.

Р.ЧЕПАКОВА ямдылен

Опубликовать в Одноклассники

Добавить комментарий