Верла гыч увер
Ужар аллейлан негыз уло
Шернур посёлкышто «Пушеҥгым шынде» акций эртен. Тиде кечын кундемыште 500 утла тӱрлӧ кушкылым шындыме.
Шындышаш материалым: тӱрлӧ кожым, пистым, куэм, ломбым да моло пушеҥге ден вондерым – ялысе школлаште тунемше-влак ямдыленыт. Акцийыш посёлкысо кок школышто тунемше ӱдыр-рвезе, район администраций пашаеҥ, самырык-влак парламентын еҥже-шамычат ушненыт, нуно тӱҥ шотышто кушкылым шынденыт. Верысе предприятий-влак транспортым ойыреныт.
Ӱшаныме шуэш, икмыняр ий гыч посёлкышто сылне ужар аллей лиеш.
М.ИВАНОВА.