ЭКОНОМИКЕ

Умбакыжат – онлайн йӧн дене

Марий Эл Республикыште коронавирус дене черланымаш эркын иземмылан кӧра тӱтко лийме режимым август кыдал марте шуйымо. Санденак «Рӱдӧ да Юл кундем Россеть Мариэнергон» Потребитель-влакым обслуживатлыме офисше умбакыжат онлайн режимыште ышта.

Адакше онлайн-услуго дене пайдаланымаш потребитель-влаклан келшен веле. Вет тудо жапым веле огыл аныкла, тыгак калыкын тазалыкшылан лӱдыкшыдымылыкым ешара.

«Ме республикыште илыше-влаклан электровийым ситарыме чыла йодышым тора гыч рашемдаш, йодмашымат электрон йӧн дене колташ темлена. Тыге йӧнан, йодмашым толын возаш корнылан роскотым ыштыме ок кӱл. Документым оформитлыме жапат палынак кӱчыкемеш», — ойлат энергетик-влак.

Нунын темлыме чыла услугылан йодмашым компанийын официальный https://mrsk-cp.ru/ сайтыштыже личный кабинет гоч але «ТП.РФ» https://портал-тп.рф/ порталыш электрон йӧн дене колташ лиеш.

Электровий молан уке да тудым кунам пуымо нергенат компанийын https://mrsk-cp.ru/ сайтыштыже «Электровийым план почеш да аварий амал дене петырымаш» ужашыш пурен але контакт-рӱдерышкыже 8-800-50-50-115 телефон дене кечыгут яра йыҥгыртен рашемдаш, тыгак Viber приложений гоч 8(920) 05-05-777 номерыш возен колташ лиеш.

Ю.ИСАКОВ

Опубликовать в Одноклассники

Добавить комментарий