«Россеть» компанийын официальный телеграм-каналыштыже тудын «Хевел» компаний дене у энергий источникым вияҥден толаш соглашенийым ыштымышт нерген увертарыме.
Ончыкыжо тора але ойыралт илыше кундемлаште кече энергийым кучылтмо йӧнлан эҥерташ палемдалтеш. Кече панельым шындышашлан йодмашым Клиент-влакым обслуживатлыме рӱдер, «Россетьын» Портал-тп.рф да мобильный приложенийже гоч пуаш лиеш.
«Россетьын» телеграм-каналже тӱнясе ик эн кугу электросеть комплекс-влак кокла гыч иктыжын пашаж нерген уверым СМИ-лаште вераҥдымылан вуйын шога. Кече еда тушто Россий электросетьласе кӱлешан событий ончыкталтеш, инфографике ден аналитике, социальный увер-влак пуалтыт, тыгак инфраструктурлан игече лӱдыкшӧ да аварий ситуаций нерген увертаралтеш.
Ю.ИСАКОВ
