Коронавирус дене кылдалтше ситуацийын мониторингше шотышто увер рӱдерын пытартыш данныйже почеш, Марий Эл COVID-19 дене черланыме случайым 100 тӱжем еҥлан шотлымаште рашемдыме чот дене Юл кундем федеральный округын регионжо-влак коклаште кумшо верыш (540,9) лектын. Тудын деч ончылно Нижегородский (714,9) ден Ульяновский (693,8) область-шамыч веле улыт.
У коронавирус инфекций дене черланыме эн шагал случайым Татарстан (140,6) да Удмурт (150,4) республикылаште рашемдыме.
М.ИВАНОВА