Конкурс
Эн сай донор еш Тошто Крешыныште ила
«Российын эн сай доноржо — 2017» XIV всероссийский конкурсым иктешлыме. «Донор династий» номинацийыште Марий Эл Республик гыч Шорниковмыт еш сеҥышыш лектын.
Конкурсым «Трансфузиолог-влакын российский ассоциацийышт» общероссийский мер организаций эртарен. Тушто вич номинаций лийын: «Вӱрым пуымо эн кугу чот», «Вӱр ден тудын компонентшым пуымо эн кугу чот», «Тромбоцитым пуымо эн кугу чот», «Донор династий» да «Донор толкынын регионысо лидерже».
Российын регионжо-влак Мурманск гыч Йӱдвел Кавказ, Калининград гыч Эрвел Сибирь марте, вӱр ден тудым компонентшым пуышо 300 наре эн сай донорышт дене палдарен, конкурсышто чолгалыкыштым ончыктеныт.
Кажне номинацийыште кум сеҥышым палемдыме. «Донор династий» номинацийыште Оршанке районысо Тошто Крешын ялыште илыше Шорникомытын ешышт деч посна эше Свердловский областьысе да Дагестан Республикысе еш-влакым палемдыме.
Анатолий Иванович Шорников механизаторлан пашам ышта, пелашыже Елизавета Владимировна – Перинатальный рӱдерын санитаркыже. Нунын Владимир эргышт уло.
М.ИВАНОВА.
