КУЛЬТУР ДА ИСКУССТВО

Кеҥежым модмо шуэш!

Уремыште – кеҥеж, сандене изижынат, кугужынат кызыт пӧртыштӧ шинчымышт огеш шу. Поснак – икшыве-влакын. Нунын модын куржталмышт шуэш. Но коронавирус чер шарлымылан кӧра тений ава-ава-влак ӱдыр-эргыштым шонымышт семынак чыла вережак модаш огыт колто.

Туге гынат, тӱвыра пашаеҥ-влак нуным куандараш тӱрлӧ йӧным шонен муаш тыршат. Мутлан, У Торъял район Элембай тӱвыра пӧрт пашаеҥ-влак кодшо кечылаште йоча-шамычлан «Йомак тӱняшке унала» конкурс программым эртареныт. Тыге ӱдыр-рвезе-шамыч йӧратыме йомакыштым шарналтеныт, тушто-влаклан вашмутым кычалыныт, тӱрлӧ модыш дене модыныт да Баба Яга, Кощей Бессмертный, «Кот в сапогах» гыч Пырыс да моло герой дене вашлийыныт.

Л.КАМАЛЕТДИНОВА

Опубликовать в Одноклассники

Добавить комментарий