Ала олаште илыше-шамычын соцкылысе тӱрлӧ группылаште Йошкар-Оласе парк, бульвар ден скверлаште шӱкшудо кушкын шогалмылан вуйым шиймышт деч вара ала тыглай паша график почеш каныш кече лишан «Город» МУП-ын пашаеҥже-влак Ната Бабушкина скверысе пеледыш клумбылаште шӱкшудым кӱраш лектыныт.
Кечывал лишан икмыняр клумбышто тӱрыс сомылен шуктеныт. Ынде ончалашат каньыле, сылне пеледыш-шамыч ласкан «шӱлалтыше» гай койыт. Ола кумдыкым ужартыше озанлыкыште пашам ыштыше-шамыч кӱрмӧ шӱкшудым вигак мешакыш оптат (снимкыште) да трактор дене наҥгаен кудалташ ямдылат.
Р.ЧЕПАКОВА ямдылен
