«Акатуй» ӱжеш
Шушаш шуматкечын, 10 июньышто, Звенигово районысо Чуваш Отар ялыште «Акатуй» пайрем эрта.
Тушто молгунамсе семынак еҥ-влак концертым ончен, спорт таҥасымашлашке, калык модышлашке ушнен кертыт. Погынышо-влакым сылне мурымаш-куштымашыж дене куандараш, чуваш калыкым саламлаш ты гана районысо тӱвыра да каныме «Мечта» рӱдер пелен чумырымо «Шӱм куан» марий муро ансамбль мия.
Л.Камалетдинова.
