УВЕР ЙОГЫН

Октябрь марте шуеныт

Марий Элын ончычсо вуйлатышыже Леонид Маркелов шотышто делам шымлымаш умбакыже шуйна.

Икмыняр жап ончыч суд тудын 2,2 миллиард теҥгеаш погыжым да оксажым кугыжанышын парышышкыже колташ пунчалым луктын. Леонид Маркелов тидын дене келшен огыл да апелляцийым пуэн. Но Нижегородский суд ондакысе решенийым вашталтыде коден да апелляцийжым шуктен огыл, палдара ончычсо вуйлатышын адвокатше Игорь Трунов. Кызыт тиде пунчал вийыш пурен.

Адвокатшын ойлымыж почешак, ты решенийым ончыкыжым обжаловатлаш кассационный инстанцийыш колташ да Айдемын праваже шотышто Европейский судыш вуйшиймаш дене лекташ палемдат.

Вес увер. Нижегородский районный суд Леонид Маркеловын арестшым 2020 ий 2 октябрь марте шуен. Тудын делаже шотышто пырля эртыше Наталья Кожанова ден Ираида Долгушеват ты кече марте арестыште лийыт, палдара вес адвокатше Елена Вяткина.

Л.КАМЕЛЕТДИНОВА

Опубликовать в Одноклассники

Добавить комментарий