У Торъял районым ыштыме кечылан да Марий Эл Республиклан 100 ий темме вашеш верысе централизоватлыме клуб системе «Радуга цветов» онлайн конкурсым увертарен.
Тушко кумылан йоча, самырык да кугыеҥ-влак ушнен кертыт. Нунын ончен-куштымо пеледышыштым фотографироватлыме але видеошко сниматлыме, тыгак шке кид дене тӱрлӧ сӧрастарышым ыштыме пашаштым кок номинацийыште аклат. Икымшыже «Цветы поют свой гимн благоуханный» маналтеш. Весыже — «Наш уютный чудный двор».
Паша-влакым 1 гыч 20 август марте колтыман. Эн сайлан шотлымо фото ден видеоматериал-влакым вараже, 28 август гыч 30 сентябрь марте, виртуальный выставкыште ончыктат.
Л.КАМАЛЕТДИНОВА
