УВЕР ЙОГЫН

Миллиард утла теҥге ойыралтшаш

Вашке Йошкар-Олаште эрыктыше сооруженийым уэмден тӧрлаташ да тудым у технике дене пойдарыме пашам тӱҥалыт. Тидлан 1 миллиард теҥге окса ойыралтшаш.
Ола администраций ты пашам тӱҥалаш подрядчикым ойырен налаш тендерым увертарен. Тушто участвоватлаш йодмашым 17 июль марте налыт. Конкурсым эртарыше комиссий ты кечынак сеҥышым рашемдышаш.
Ты проектлан «Йошкар-Ола» ола округ деч да республик ден федерал бюджетла гыч субсидий семын пурышаш.
Эрыктыше сооруженийым уэмдышаш «Юлым тазаҥдымаш» федерал проект дене келшышын шукталтеш. Проектын тӱҥ шонымашыже – эҥерыш йоген пурышо лавыран вӱдым кум пачаш иземдаш.
Вич ий жапыште тидлан чылажге 1 млрд 362 млн. теҥгем ойыраш шонат.

Р.ЧЕПАКОВА ямдылен

Опубликовать в Одноклассники

Добавить комментарий