ТОШКАЛТЫШ

Концертыш

Концертым ончаш манын, кызыт мӧҥгӧ гычат лекме огеш кӱл. Мурызо-влак, тӱрлӧ организаций онлайн йӧн дене пайдаланен колыштшо-влакым куандарат. Теве «У еҥ» группат  5 июльышто экран ончылно йолташыже-влакым чумырен.

Тыште уста ӱдыр-рвезе-влак марий репым лудыныт, шке клипыштым ончыктеныт. Семӱзгар денат палымым ыштеныт да нунын йоҥгымыштым колыштыктеныт.

«Ты кечым эртараш ончылгоч ямдылалтме. Тӱшкашкына эше кок еҥ ушнен, тидыже гитар дене шоктышо да ударник. Нунын дене пашам ыштыме, партийым келыштарыме. Концерт тӱҥалтыште клипым ончыктымо ыле, тидыжым сниматлаш манын чодырашкат коштмо. Ончаш кок тӱжем наре еҥ пурен. Тидыже пеш куандара», — каласкалыш группын ик чолга участникше Иван Каменщиков.

Концертым ВКонтакте социал кылыште «У еҥ» тӱшкаште ончаш лиеш.

О.МОШКИНА

Опубликовать в Одноклассники

Добавить комментарий