У Торъялысе централизоватлыме клуб системе «Играй гармонь дома» районный конкурсым увертарен.
Тушко видеопаша-влакым 10 июль гыч 20 август марте колташ лиеш. Конкурсыш тӱвыра учрежений-влакын усталык коллективышт, тыгак кумылан кажне еҥ ушнен кертыт.
Паша-влакым кум номинаций дене аклаш тӱҥалыт: эн сай ансамбль, эн сай гармоньчо да такмакым эн сайын йоҥгалтарыше.
Ойыртемалтше-влакым 21 гыч 26 август марте ойырен налыт. А вара, 28 августышто, «Играй гармонь дома» конкурс онлайн йӧн дене эрта – участник-шамычын колтымо видеошт кокла гыч эн сайжым интернетыште ончыктат.
Л.КАМАЛЕТДИНОВА
