КРИМИНАЛ

Эше кок тылзе петырымаште лиеш

Пытартыш жапыште Йошкар-Олан ончычсо мэрже Павел Плотников нерген калыкыште ик увер почеш весе шарла.

Тений теле мучаштырак тудо СИЗО-што пикталт кечалтын манын, кок гана кутырышт. Пиалеш, тиде манеш-манеш веле лийын. А 1 июньышто тудым эр-эрдене эрыкыш луктыныт манме нерген ой солныш. Но тиде уверат ыш пеҥгыдемдалт.

Тылеч ончыч возенна ыле: Павел Плотниковым 3 июньышто СИЗО гыч колтышаш улыт. Но 1 июньышто Нижний Новгородысо областной судышто тудын делажым онченыт да август марте петырымаштак кодаш пунчалым луктыныт. Тыгай йодмаш дене судыш следователь-влак лектыныт да нунын йодмашыштым шуктеныт. Ончычсо мэрым следователь-влак 23 август марте кодаш темленыт, но суд 3 август марте петырымаште кучаш пунчалын.

Ушештарена, Павел Плотниковым 2015 ий 3 декабрьыште арестоватленыт.

Л.Камалетдинова. 

Опубликовать в Одноклассники

Добавить комментарий