Йошкар-Олаште тений тӱзатышаш спискыш пуртымо йолын коштмо черетан общественный кумдыкым, тротуарым олмыктат.
Ты пашалан вуйын шогышо подряд организаций эртыше кечылаште Красноармейский урем дене йолын коштмо кумдыкышто (Машиностроитель урем гыч Транспортый урем участке марте) транспорт геодезий мероприятийлам шуктымо деч вара ачалыме пашам шукташ тӱҥалыныт. Тыште лакемалтын келгемше тротуарысе асфальтым уэмдат, уремысе меҥгылаште понарысе лампым светодиодныйлан вашталтат. Каналтен шинчаш йӧнан теҥгылым, шӱкшакым кудалташ тӱрлӧ вере урным вераҥдылаш тӱҥалыт. Йолын коштмо корно турасе газоныш ужар шӱдо нӧшмым ӱдат. Подрядчик ты участкым сентябрь мучаш марте шотыш конден шуктышаш улыт.
Р.ЧЕПАКОВА ямдылен
Фотом ола администрацийын сайтше гыч налме
