Социальная жизнь
СОЦИАЛ ИЛЫШ

Абитуриент — 2017. Квот рашемын

Абитуриент — 2017

Квот рашемын

Марий Элын Тазалыкым аралыме министерствыже федеральный кугыжаныш организацийлаште специалитет/ бакалавриат программе почеш федеральный бюджетын бюджет ассигнованийже кӱшеш кӱшыл шинчымашым налшашлан целевой приёмын 2017 ийлан квотыжым налын. Тудлан келшышын, Марий Элыште илыше 79 ӱдыр-рвезе Российын медицине вузлаштыже бюджет верым айлен кертеш.

Тазалыкым аралыме министерствын пресс-службыжын данныйже почеш, Ижевскысе кугыжаныш медицине академий 25 верым ойырен: лечебное дело отделенийыш – 15, педиатрийыш – 10. Казаньысе кугыжаныш медицине университетыште 23 ӱдыр-рвезе шинчымашым поген кертеш: лечебное дело отделенийште – 7, педиатрийыште – 10, стоматологийыште – 3, медико-профилактическое дело отделенийыште – 1, медицине биохимийыште – 1, медицине биофизикыште – 1. Кировысо кугыжаныш медицине университет 31 верым ойырен: лечебное дело отделенийыш – 20, педиатрийыш – 10, медицине биохимийыш – 1. МарГУ лечебное дело отделенийышкыже 12 бюджет верым пуэн.  

М.ИВАНОВА.

Опубликовать в Одноклассники

Добавить комментарий