УВЕР ЙОГЫН

Сырымыж дене йӱлатен

Тиде Звенигово районысо ик илемыште ӱмаште сентябрьыштак лийын. Тунам ик ешыште ватыжын ушкалымыжлан кӧра марийже ден когыньышт коклаште тума тарванен. Кастене малаш пӧръеҥ родыжо-влак деке каен. А эрдене мӧҥгыжӧ пӧртылын да коҥгаште йӱлатыме деч вара паспортшын, страховой свидетельствыжын да медицинский полисшын аралалт кодшо изи ужашышт-влакым веле ужын.

Тидын нерген сурт оза участковыйлан каласен. Тылеч вара ты факт шотышто уголовный делам тарватеныт.

Преступленийым ыштыше 39 ияш ӱдырамаш шотышто кызыт уголовный делам шымлен пытареныт да судыш ончаш колтеныт. Тудым ынде 1 ий марте жаплан эрык деч посна коден кертыт.

Л.КАМАЛЕТДИНОВА

Опубликовать в Одноклассники

Добавить комментарий