30 июньышто Марий Элым вуйлатыше Александр Евстифеев регионысо правительствын резерв фондшо гыч шкем аралыме средствым налашлан 17 миллион утла теҥгем ойырен.
Документ дене келшышын, Марий Элын Тазалыкым аралыме министерствыжлан 17 миллионат 300 тӱжем теҥгем ойырымо. Тиде оксам Марий Элыште у коронавирус инфекцийын шарлымыжым чарымешижтарыме, тудын дене черланыме деч аралыме да зиянжым кораҥдыме пашалан кучылташ палемдыме.
Рашемденрак каласаш гын, 14 миллионат 300 тӱжем теҥгем коронавирусан черле-влаклан полышым пуышо медицине пашаеҥ-шамыч ден моло еҥлан шкем аралыме средстве шапашым 30 сентябрь марте ышташ ойырымо. Эше 3 миллион теҥгем Республиканский СПИД-рӱдерын лабораторийышкыже COVID-19 черым диагностироватлаш колтымо.
Марий Элым вуйлатышын организаций да аналитике виктемжын уверже негызеш М.ИВАНОВА ямдылен
