МАРИЙ ТӰНЯ

Кумалме жап эрта

Марий калыкын тӱшкан илыме верлаштыже кеҥеж кумылтыш-влак эртат. Тидыжым интернетысе социальный лаштыклаште вераҥдыме уверла гыч пален налынна.

Мутлан, шукерте огыл Москвасе марий-шамычат тыгай кумалтышыш погыненыт. Одо кундемысе Ижевск олаште, Кизнер район Марий Сармак ялыште ӱжмӧ почеш ты йӱлам Татарстанын тӱҥ онаеҥже Олег Третьяков эртарен. Тудак татар марий-влакын илыме Елабуго район Кӱплык, Агрыз район Кӧлегеш яллла воктенысе кумлатышыш чумырен. Актаныш районысо марий-влакат пырля чумырген кумалыныт.

Тыште теве мом каласен кодыман. Историй шанче кандидат Руслан Бушковын шымлымыж почеш, шке жапыштыже — 1945 ийыште – кугыжанышна вуйлатыше И.В.Сталинын посна указше почеш, чыла конфессий-влаклан ик гана кумалтышым эртараш йӧн пуалтын улмаш. Тыгак марий-шамычланат. Нуно Кугу Отечественный сарыште сеҥымылан да сой пасушто вуйым пыштыше-влакым шарнымылан пӧлеклалтшаш улыт улмаш. Тыге лийже манын, партий орган-влак эскерышаш улыт улмаш. Тиде амал денак, Олег Третьяковын ойлымыж почеш, ты республикыште эртыше марий отыласе кумалтыш-влак тений сарыште сеҥымылан 75 ий теммылан да сӧй пасушто вуйым пыштыше-шамычым шарнымылан пӧлеклалтыныт. Санденак кумалтыш годым ик тат шып шогеныт.

Лишыл жапыште ты республикыштак да Одо кундемыштат икмыняр вере 12 июльышто кумалаш лекшаш улыт.

С.НОСОВА

Снимкыште: Татарстанысе марий кумалтыш годым.

Р.Бушковын фотожо

Опубликовать в Одноклассники

Добавить комментарий