УВЕР ЙОГЫН

Техноскверым чоҥаш тӱҥалме

Козьмодемьянскын рӱдӧ микрорайоныштыжо, Пыринов уремыште, «Сияние» техноскверым чоҥаш тӱҥалаш яра кийыше кумдыкым тыгыде чашкер деч эрыктеныт. Ончыкыжым ты верыште у сквер верланышаш.
Ты олаште илыше-влак кундем кумдыкым тений тӱзаташ шкешт ойырен налыныт. Проектым Йошкар-Оласе «Возрождение» ООО ямдылен. Тӱзатыме проектыш технический темымат пуртымо.
Тидын дене келшышын, скверым икмыняр зонылан: уш-акылым пойдарыме, модын, жапым веселан эртарыме, спорт дене кылым кучымо да ласкан каналтыме ужар кумдыклан шеледыме.
Уш-акылым пойдарыме ужашыште «Копир» да «Потенциал» завод-влаклан пӧлеклалтше павильоным вераҥдаш палемдыме. Тыгак скверыште олан почётан гражданинже-влакше дене палдарыше аллей да Козьмодемьянск дене келгынрак палыктарыше уверан щит-влак лийыт.
Контракт почеш, Нижний Новгородысо подрядчик «Комплексстрой» ООО скверым чоҥымо пашам октябрь тӱҥалтышлан мучашлаш сӧра.

Р.ЧЕПАКОВА ямдылен
Снимкыште: уэмдышаш техноскверын проектше
Интернет гыч налме фото

Опубликовать в Одноклассники

Добавить комментарий