АКЦИЙ КОНКУРСЫ

Кумыт гыч тӱҥалын…

Марий Элыште илыше-влак «От трёх до бесконечности» лӱман Всероссийский фотоконкурсыш ушнен кертыт.

Тыгай йӧнжӧ «Шуко шочшан Россий» всероссийский проектым илышыш пуртымылан кӧра пуалтеш.

Конкурсын тӱҥ шонымашыже – усталык шӱлышан, творческий, чолга, кумыт да тылечат шуко шочшан ешым ончыктымаш. Санденак тушко еш илыш гыч пиалан тат-влакым войзымо фотографий-влакым колтыман. Тыгодым ик автор эсогыл 20 шке пашаж дене ушнен кертеш. Нуно «Весёлые будни большой семьи», «Счастливая семья» але «На пути к бесконечности» темылан келшен толшаш улыт. Йодмашым проектын тиде сайтышкыже колтыман: https://многодетные-семьи.рф/fotokonkurs.

Конкурсын иктешлымашыж почеш, ойырен налме паша-влакым да нине еш нерген кӱчык палдарымашым 15 август марте интернетыш вераҥдат. А 8 июльышто, Еш, йӧратымаш да икте-весылан ӱшанле улмо кечын, «Русский мир» телерадиокомпаний конкурсыш ушнышо-влак лӱмеш кугу онлайн концертым ончыкта. Сеҥыше-влакым лӱмлӧ да палыме еҥ, артист, мурызо-влак, мутлан, Николай Валуев, Екатерина Климова, Зара, Алсу, Александр Олешко, Денис Майданов, Юлия Барановская, моло увертараш тӱҥалыт.

Л.КАМАЛЕТДИНОВА

Опубликовать в Одноклассники

Добавить комментарий