Россий ФСБ-н Марий Элысе управленийжын пашаеҥже-влак Алтай край гыч ик еҥын республикыштына наркотикан моткоч шуко веществам вес кундемла гыч кондымыжым да тушко колтымыжым рашемденыт. Чылаже тудын деч 1 килограмм наре синтетический наркотикым поген налыныт, палдара ведомствын пресс-службыжо.
Тыгай преступленийым ыштымыжлан уголовный делам тарватеныт. Йошкар-Оласе суд тудым 8 ий да 6 тылзылан эрык деч посна кодаш да пеҥгыде режиман исправительный колонийыш колташ пунчалым луктын.
Л.КАМАЛЕТДИНОВА
