УВЕР ЙОГЫН

Икте пашам кычалеш, весе – каныме верым

РФ У коронавирус инфекций ваштареш шогымо шотышто кугыжаныш советын пашаче группыжын 18 июньышто эртыше заседанийыштыже калыклан пашам ситарыме да субъектлаште лӱдыкшыдымӧ канышым ыштыме йодышлам лончыленыт. Тушто Марий Элым вуйлатыше А.Евстифееват участвоватлен.

Заседанийыште тыгак коронавирусын регионлаште шарлыме сӱретшым, элнан субъектлаштыже турист отрасльым йыжыҥын-йыжыҥын почмо йодышым онченыт, паша гыч колтен але утыктарен кертме лӱдыкшӧ радамыш логалше-влаклан икмыняр жаплан пашам муашлан, нуным вес профессийлан туныкташлан дотацийым налше регион-шамычлан федеральный бюджет гыч оксам ойырымо нерген мутланеныт.

Марий Элыште 22 июньлан налмаште у коронавирус инфекций дене черланыме 2710 случайым регистрироватлыме, 639 еҥ эмлымверыште кия, 161 пациент неле состоянийыште, 17 черле шодым искусственно вентилироватлыме йӧн дене шӱла, 253 гражданлан кислород кӱлеш.

Пандемий пагытыште республикысе кок лабораторийыште 56091 шымлымашым эртарыме. Колымо 20 случайым регистрироватлыме. Кызыт 1554 еҥым медицине велым эскерат.

Регионын Паша да калыклан паша верым ситарыме департаментшын данныйже почеш, кызыт вакансий банкыште 4,6 тӱжем паша вер уло. Тидыже чараклыме мере-влакым кораҥдыме деч вара келшыше пашам муаш але тудлан тунемаш могай-гынат йӧным ышта.

 

Марий Элым вуйлатышын организаций да аналитике виктемжын уверже негызеш М.ИВАНОВА ямдылен

   

Опубликовать в Одноклассники

Добавить комментарий