УВЕР ЙОГЫН

Лӱдыкшыдымылыкым эскерыман

18 июньышто Марий Эл вуйлатыше Александр Евстифеевын вӱдымыж почеш Правопорядкым эскерыме шотышто координационный советын, республикын Антитеррористический комиссийжын да Оперативный штабын иквереш эртарыме заседанийышт лийын.

Тушто Кугу Отечественный сарыште сеҥымылан 75 ий теммылан пӧлеклалтше мероприятий-влак жапыште да Россий Федерацийын Конститутцийышкыже вашталтышым пуртымо шотышто общероссийский йӱклымаш годым общественный порядкым аралыме да лӱдыкшыдымылыкым эскерыме нерген мутланеныт.

Эрла, 24 июньышто, Сеҥымаш парад жапыште, Йошкар-Олаште тиде пашам 200 полицейский, Росгвардийын 100, тыгак частный оролыме организаций-влакын пашаеҥышт, калык дружинник-шамыч шукташ тӱҥалыт. А общероссийский йӱклымашлан ямдылалтме да тудым эртарыме годым правопорядкым да лӱдыкшыдымылыкым эл кӧргӧ паша орган-влакын 1300 утла еҥышт эскерат. Тыгак 430 калык дружинник ден частный оролымо организацийла гыч 50 пашаеҥ полшат.

Марий Эл вуйлатышын организаций да аналитике виктемжын уверже негызеш Л.КАМАЛЕТДИНОВА ямдылен.

Опубликовать в Одноклассники

Добавить комментарий