УВЕР ЙОГЫН

75 ий лӱмеш – 75 километр

21 июньышто 21 шагат йӱдым «Ночные волки» всероссийский мотоклубын Йошкар-Оласе отделенийжын байкерже-влак Йошкар-Оласе Тихвинский черкыште «Шарнымаш сортам» чӱктеныт, палдара Россий ДОСААФ-ын Марий Элысе региональный отделенийже.

Тылеч вара нуно Кугу Отечественный сарыште сеҥымашлан 75 ий темме лӱмеш 75 километрым кудал эртеныт. Байкер-шамыч сарлан пӧлеклалтше памятникла, Сурокышто вераҥдыме шарныктыш деке, Марково шӱгарлашке миеныт. Пытартышлан Йошкар-Олашке Воин Чап мемориал деке толыныт. Тушто Сеҥымашын волонтёржо, Россий ДОСААФ-ын Йошкар-Оласе технический рӱдержын курсантше, тӱрлӧ мер ушемын, оласе молодежный парламентын еҥже-влак 380 сорта гыч «Помним» мутым возеныт.

Л.КАМАЛЕТДИНОВА

Опубликовать в Одноклассники

Добавить комментарий