100 тӱрлӧ направлений да специальность, научнын шымлыме, усталык, волонтёр паша, тӱрлӧ предприятийлаште да элысе да тӱнямбалсе шанче рӱдерлаште стажировкым эртымаш, Европысо университетла дене программым вашталтымаш – тиде да моло вуча ончыкылык студент-влакым МарГУ-што шинчымашым погымо годым.
Ушештарена, йодмашым 20 июнь гыч пуаш лиеш, ЕГЭ-н результатше варарак ончыкталтыт. Документым 18 августышто пытартыш кече налыт.
А нуным дистанционно пуаш манын, эн ончычак «Ончыкылык студентын личный кабинетыштыже» (http://apply.marsu.ru/) регистрацийым эртыман. Тидлан улыжат ик минут кая, но тыге тыланда, мӧҥгыда гыч лекде, МарГУ-ш тунемаш пураш йӧн уло. Регистрироватлалтмеке, рейтингыште ешартыш баллым налаш манын, кугу кӱкшытыш шумыда нерген палемдыман, анкетым возыман да направленийым ойырен налман, тиддеч вара йодмашым пуаш ямдыледа.
Приёмный комиссийын телефонжо: 641-541
А.БАЙКОВА
