УВЕР ЙОГЫН

Ӱпым пӱчкаш тарваненда гын

22 июнь. Таче ӱпым пӱчкаш огеш темлалт – тыге ыштымылан кӧра илышдам кӱчыкемден кертыда. Чиялташ натуральный чиям гына кучылтман.

23 июнь. Тиде кечын ӱпдам пӱчкыда гын, коллективыште да воктене улшо еҥда-влак дене ӱчашымаш тарванен кертеш. Натуральный чия дене чиялтеда гын, оксада ешаралтеш.

24 июнь. Ӱпым пӱчмӧ дене тазалыклан эҥгекым ыштен кертыда. Ӱп тӱсым вашталтеда гын, кеч-могай неле йодышым куштылгын рашемдеда, карьер тошкалтыш дене кӱзашат йӧн лиеш.

25 июнь. Ӱпым пӱчкыда гын, психикыда пужлен кертеш. Оксада ешаралтше, пашаште пагалымаш лийже манын шонеда гын, ӱпдам чиялтыза.

26 июнь. Ӱпым кӱчыкемдеда гын, оксада ешаралтеш, чонышкыда ласкалык пӧртылеш. Чиялтыме деч вара деловой кылда саемеш, коллективыште умылымаш озаланаш тӱҥалеш.

27 июнь. Таче ӱпым пӱчмылан кӧра иммунитетда начаремын, тазалыкда лунчырген кертеш. Чиялтыме деч вара лишыл еҥда-влак денат, пашаштат ӱчашымаш тарванен кертеш.

28 июнь. Тиде кечын ӱпым пӱчмӧ деч вара тазалыкда начарем кертеш. Чиялтеда гын, тыланда кугурак тӱткышым ойыраш тӱҥалыт.

Л.КАМАЛЕТДИНОВА

Опубликовать в Одноклассники

Добавить комментарий