«Здравоохранений» национальный проектын «Первичный медико-санитарный полышым пуымо системым вияҥдымаш» регионысо проектшым илышыш пуртымо кышкарыште регионысо бюджет кӱшеш 17 фельдшер-акушер пунктлан проект документацийым ямдылыме да нуным чоҥаш палемдыме верым тергыме шотышто пашам шукташлан кугыжаныш контрактым ыштыме. Тудын чумыр суммыжо 5,73 млн. теҥгеш шуын. Проект пашам тичмашнек мучашлыме.
Тидын дене келшышын, 2020 ийыште республикнан кандаш районыштыжо 100 гыч 2000 еҥ марте илыман кундемлаште 17 ФАП-ым чоҥат: Волжский районышто – визытым, Медведево районышто – кумытым, Кужэҥер, Морко да Шернур районлаште – кокыт дене, Курыкмарий, Марий Турек да Параньга районлаште – икыт дене.
Ямдылыме проект-смете документым кугыжаныш экспертизыш тергаш колтымо.
Регионысо тиде проектлан 2020 ийыште 120,08 млн. теҥгем ойыраш палемдыме, ты суммо гыч 106,7 млн. теҥгежым федеральный бюджет гыч колтат.
М.ИВАНОВА
