ТАЗАЛЫК

Йол ӱмбаке шогалаш полша

Йошкар-Оласе больницын неврологический отделенийыштыже шкем угыч рыҥ кучаш полшышо тренажёр пашам ышташ тӱҥалын. Тудым «Здравоохранений» национальный проектын «Шӱм-вӱргорно чер дене кучедалмаш» регионысо проектшым илышыш пуртымо кышкарыште 1 млн. утла теҥгеш налме.
Тренажёр инсультым чытен лекше черлылан угыч йол ӱмбаке шогалаш, капкылым пространствыште эскераш полша да пациентым кийымыж годымат, ошкылмыж годымат тренироватла. У оборудований полшымо дене неврологический черле-шамыч инсульт годым йомдарыме моштымашыштым писынрак пӧртылтат.
Регионысо проект кышкарыште 2020 ийыште Йошкар-Оласе региональный вӱргорно рӱдерлан да Волжск оласе рӱдӧ больницын первичный вӱргорно отделенийжылан 75 млн. утла теҥгеаш у медицине оборудованийым налаш палемдыме. Нуным вераҥдаш келшыше кумдыкым ямдылашлан республикын бюджетше гыч 9,5 млн. теҥгем ойыраш лийме.

М.ИВАНОВА

Опубликовать в Одноклассники

Добавить комментарий