Марий Элын ЦИК-ше Россий Федерацийын Конституцийышкыже вашталтышым пуртымо шотышто общероссийский йӱклымашым эртарышашлан ямдылалтме йодыш дене видеоконференцкыл йӧн дене Медведево, Оршанке, Марий Турек, У Торъял, Шернур районласе территориальный избирательный комиссий ден участковый избирательный комиссий-влаклан онлайн-тунеммашым эртарен.
Республикысе ЦИК председатель Ирина Татаринова йӱклымашлан ямдылалтме да эртарыме ойыртем дене палдарен. А семинар-совещанийын тӱҥ темыже тиде йӱклымашым коронавирус шарлыме лӱдыкшӧ улмо жапыште эртарыме дене кылдалтын. Роспотребнадзорын Марий Элысе управленийжын еҥже избирательный комиссий-влакын членыштын санитар нормым кузе шуктышашышт шотышто мероприятий-влак нерген каласкален.
Тыгай туныктымо семинар-совещаний-влак умбакыжат лийыт.
Л.КАМАЛЕТДИНОВА