У Торъялысе тӱвыра да каныме рӱдерын вокал кружокшо-влакын участникышт чӱчкыдынак тӱрлӧ конкурсышто кугу мастарлыкым да кӱкшытым ончыктат.
Кодшо кечылаште Лиана Смирнован вуйлатыме икмыняр кружок ден коллективыште мурышо-влак йоча, самырык да кугыеҥ-влак коклаште эртыше «TALENT PRESTO» тӱнямбал интернет-конкурсышто сеҥеныт. Мутлан, «Сэмеҥер» дуэт (Лиана Смирнова ден Дмитрий Афанасьев) 1-ше степенян лауреат лӱм дене палемдалтын. Лиана Смирнова ден Карина Булыгинан дуэтышт 3-шо степенян лауреат лийын. Карина Булыгина ден Людмила Долгушеван дуэтыштат 3-шо степенян диплом денак палемдалтын.
Тиде тӱнямбал конкурсышто У Торъялысе вокалист-шамычын чылаже 13 дуэтышт ден триошт 1-3-шо степенян лауреат лӱмым сеҥен налын. Саламлена!
Л.КАМАЛЕТДИНОВА
