Татарстанысе Камал театрыште 8-19 июньышто тыгай лӱман тӱнямбал кӱкшытан театрально-образовательный фестиваль эрта.
Элыштына коронавирус инфекций шарлымылан кӧра ты форумым эртараш але уке манын шуко каҥашеныт. Но фестивальыш ушнаш 500 утла йодмаш пурен, сандене тений тудым онлайн режимыште эртараш шонен пыштеныт. Адакшым тыгай шонымаш дене Польша, Колумбий, германий да моло элысе специалист-влакат келшеныт.
Форум жапыште 9 направлений дене занятий-влак эртаралтыт.
Фестивальыш М.Шкетан лӱмеш Марий национальный драме театрын артистше-ден пашаеҥже-влакат уло кумылын ушненыт.
А. БАЙКОВА
