Конституцийыш вашталтышым пуртымо шотышто йӱклымаш элыштына 1 июльышто лиеш. Тидын нерген Россий президент Владимир Путин 1 июньышто каласен.
Тыгак тудо палемден: 1 июль вӱргече лиеш гынат, тудым каныш кечылан увертарыме. Тыгай решенийым президент коронавирус шарлыме дене кылдалтше сӱретын саеммыжлан кӧра приниматлен. Вет тиде инфекцийлан кӧрак ончыч 22 апрельыште эртараш палемдыме йӱклымашым варалан кодаш да вес кечыш кусараш логалын.
Л.КАМЕЛЕТДИНОВА
