Библиотекарь-влакын мастарлыкыштым ончыктышо тыгай лӱман конкурс Республикнан 100 ияш лӱмгечыж вашеш эрта, увертара Тӱвыра, савыктыш да калык паша шотышто министерствын пресс-службыжо.
Участник-влакын документыштым да шке нерген каласкалымыштым оргкомитет ончен лектын. 27 майыште, библиотеке пашаеҥ-влакын профессиональный пайремышт кечын, ойырен налме турын 6 финалистшым ойыреныт. Тиде – Л.Васильева (Юрино район), Т.Гайдукова (Йошкар-Ола), Н.Красеова (Морко район), И.Мальцева (Волжский район), И.Микушкина (Козьмодемьянск ола), О.Хакимова (Звенигово район).
А шымше финалистым ойыраш манын, 28 майыште йӱклымашым увертареныт. Тудо «Вконтакте» соцсетьысе С.Г.Чавайн лӱмеш национальный книгагудын группыштыжо эрта. Йӱклымаш 7 июньышто иктешлалтеш.
Конкурсын очный этапыштыже 7 участник мастарлыкым ончыкташ тӱҥалеш.
А.БАЙКОВА
