ТАЗАЛЫК

Чер ылыжын

Параньга район Пӧртанур ял шотан илемыште орымаш чер шотышто карантиным увертарыме.
26 майыште тушто ик суртозан кудывечышкыже рывыж толын да пий ӱмбаке кержалтын. Пий тудым сеҥен. Суртоза тидын нерген Параньгасе вольык чер дене кучедалше станцийыш увертарен. Ветеринар-влак рывыжым лабораторийыш тергаш наҥгаеныт. Тудо орымаш черан лийын. Варажым ветеринар-влак ты кундемыште чер ваштареш виктаралтше профилактике мероприятий-влакым эртареныт да республик вуйлатыше лӱмеш Пӧртанурышто орымаш чер шотышто карантиным увертараш кӱлмо нерген представленийым ыштеныт. Марий Эл вуйлатыше А.Евстифеев ты шотышто 28 майыште посна указымат луктын.
                                                                                                                          С.НОСОВА

Опубликовать в Одноклассники

Добавить комментарий