«Йошкар-Ола — Казань» автокорно дене кудалме годым Кичиер посёлкыш пуртышо савыртышыште скульптор Олег Дедовын «Шордо» композицийжым кажныже – Марий Элыште илышыжат, пошкудо кундемла да йот элла гыч толшыжат, туристшат, блогержат, путешественникшат, йочажат, илалшыжат – чон юарлен ончена. Шукынжо, чарнен шогалын, «Марий чодра» национальный паркыште шкешотан ориентирлан шотлалтше янлык воктене фото-видеоснимкым ыштена…
Пытартыш гана ужмем годым скульптур палынак шапалген, верын-верын шелышталтын да каткалалтын ыле. Да теве пуйто у вургемым чиен!
Марий Эл правительствын обращенийже почеш, пел курым утла шогышо скульптур композицийым Волжский район администрацийын ремонтым ыштыше бригадыже олмыктен: негызымат, шордымат штукатуритлен да чиялтен. Ынде Марий кундемыш толшо унана-влак ончылно тудын верч вожылшаш уке.
Пытартыш гана ужмем годым скульптур палынак шапалген, верын-верын шелышталтын да каткалалтын ыле. Да теве пуйто у вургемым чиен!
Марий Эл правительствын обращенийже почеш, пел курым утла шогышо скульптур композицийым Волжский район администрацийын ремонтым ыштыше бригадыже олмыктен: негызымат, шордымат штукатуритлен да чиялтен. Ынде Марий кундемыш толшо унана-влак ончылно тудын верч вожылшаш уке.
М.ИВАНОВА
