28 майыште А.Евстифеев РФ У коронавирус инфекций шарлыме ваштареш шогымо шотышто кугыжаныш советын пашаче группыжын заседанийыштыже участвоватлен. Тушто регионлаште коронавирус дене кучедалме мере-шамыч нерген мутланеныт.
Марий Элыште коронавирусан черле-влаклан полшаш кандаш медицине организацийыште 680 койкым шындыме. Пытартыш кок арнясе сӱретым иктешлаш гын, тушто суткаште кокла шот дене 367 пациент эмлалтеш. 19 майыште 1-ше №-ан медико-санитарный частьыште «пульмонологий» профиль дене реабилитаций отделенийым почмо. Кызыт тушто у коронавирус инфекцийым чытен лекше 20 пациент реабилитацийым эрта. Эпидемий тӱҥалме жап гыч 28 май йотке республикысе кок лабораторийыште коронавирус дене черланен кертме амал дене налме 39 тӱжем утла биоматериалым шымлыме. Инфицироватлалтше чумыр еҥ коклаште 9,6 процент йоча, 72 процент пашам ыштен кертше калык да 18,4 процент 65 ий деч кугурак граждан-влак улыт.
Республикыште эпидемий пагытыште илалше ден шагал тарванылше граждан-влаклан полшымо #МЫВМЕСТЕ волонтёр штаб пашам ышта. Тудын 320 волонтёржо тымарте 839 йодмашым кӱчык жапыште шуктен. Тылеч посна «Порылык корзиҥга» акцийым эртарыме кышкарыште регионысо 280 ешлан кужу жап аралаш лийме продукт наборым намиен пуымо.
Марий Элым вуйлатыше Александр Евстифеев COVID-19 пандемий пагытыште республикыштына чараклыме мере-влакым йыжыҥын-йыжыҥын кораҥдыме планым пеҥгыдемдыме нерген распоряженийыш кидшым пыштен.
Марий Элым вуйлатышын организаций да аналитике виктемжын уверже негызеш М.ИВАНОВА ямдылен
