КУЛЬТУР ДА ИСКУССТВО УВЕР ЙОГЫН

Изиш варарак эртаралтыт

Кундемыштына коронавирус инфекций шарлымылан кӧра республикысе Калык усталык да тӱвыра ден каныме паша шотышто шанче-методике рӱдер кеҥежым эртарышаш мероприятийже-влакым икмыняр жаплан шеҥгекрак кусарен. Теве нуно кунам эртаралтыт (палемдыме кечым вашталтынат кертыт):

— Калык йомак да миф-влакын геройыштым але персонажыштым модын ончыктымо «Юзо шондык» республикысе фестиваль-конкурс – 4 июльышто;

— Еш да родо-тукым фольклор ансамбль-влаклан «Творцы и хранители» фестиваль – 18 июльышто;

— «Игровой переполох» калык модыш программе конкурс — 16 августышто;

— Самырык-влакын национальный усталык коллективыштын «Тукымвож йоҥгалтыш» фестиваль – 22 августышто;

— Сӱан йӱла дене палдарыше «Сӱан пайрем» фестиваль-конкурс – 28 августышто;

— Самырык-влакын этно-группо ден национальный мурышо да семӱзгарым шоктышо ансамбльышт-влакын фестивальышт – августышто;

— «Шочмо мландын кугу вийже» калык усталык фестивальын гала-концертше – 26 сентябрьыште.

А.БАЙКОВА

Опубликовать в Одноклассники

Добавить комментарий