ТАЗАЛЫК

Тыгай корпус шукертсек кӱлеш

«Программа развития детского здравоохранения, включая создание современной инфраструктуры оказания медицинской помощи детям в Республике Марий Эл» регионысо проектым илышыш пуртымо кышкарыште Йоча республиканский клинический больницын инфекционный корпусшым чоҥаш проект-смете документацийым ямдылаш 3,8 млн. теҥгеаш контрактым ыштыме.
Инфекциян чер дене орланыше йоча-влаклан келшыше стационарыште специализироватлыме медицине полышым пуышо тыгай корпус республикыштына шукертсек кӱлеш.
Кызыт специализироватлыме полыш Йошкар-Оласе йоча больницын инфекционный стационарыштыже да районласе эмлымверлан ныл инфекционный отделенийыштыже пуалтеш. Рӱдоласе больницыште Йошкар-Олаште да республикнан кум районыштыжо илыше, тыгак моло район гыч колтымо икшыве-влакым эмлат. Оралтым 1963 ийыштак чоҥымо, да тудо санэпидправил ден нормативлан келшен огеш тол.
У инфекционный корпусым 2022-2023 ийлаште чоҥен шукташ палемдыме.
 
М.ИВАНОВА
 

 
 
Опубликовать в Одноклассники

Добавить комментарий