ЭКОЛОГИЙ

Кол лийшаш

Марий Элыште коллан мӧртньым кышкыме искусственный вер-влакым ямдыленыт.

Тидыже республикыште вӱд поянлыкна калыклан пайдаланаш ситыше лийже манын ышталтеш. Тидлан Марий Элын Пӱртус поянлык, экологий да йырым -йырысе средам аралыме министерствыжын специалистше-влак вуйын шогат. Тӱҥ шотышто тыгай вержым Куйбышев водохранилищысе  мемнан республикыш пурышо кумдыкыштыжо келыштарыме. Эколог-влакын палемдымышт почеш, ямдылыме чыла вер 14 тӱжем коллан ситышаш.  Мӧртньым кышкыме искуственный верым ыштыме годым кож укшым кучылтмо. Колын мӧртьным кышкым жапше эртымеке, укшлам вӱд гыч поген луктыт. Тиде пашалан шийвундо федеральный бюджетын Российысе субьект-шамычлан ойыралтше субвенций кӱшеш ворандалтын.

 С.НОСОВА

 Снимкыште: мӧртньым кышкыме вер тыгеат шочеш

Фотом министерствын сайтше гыч налме

Опубликовать в Одноклассники

Добавить комментарий