«Мӧҥгыштӧ тунемаш полшо» лӱман акций республикыште 2020 ий сентябрь марте шуйнаш тӱҥалеш. Ушештарена, тудын икымше волонтёржо IT— компаний-влакын «ПС СОФТ» ассоциацийышт шуко шочшан ешыште кушшо да школышто сайын тунемше 9 йочалан компьютерым пуэн.
Мутлан, тыгай пӧлекым Оршанке район гыч Беляковмыт ешлан ыштыме. Ты ешыште кушшо ӱдыр Анна Белякова Оршанке кыдалаш школышто тунемеш да эше кузе: кажне ийын ОБЖ, марий йылме, физкультур предметла дене всероссийский олимпиадылаште шинчымашым ончыкта, «4» да «5»-ан оценкылан гына тунемеш, спорт дене кылым куча, тӱрлӧ проектым ямдылымаште чолгалыкым ончыкта.
Тыгаяк пӧлекым Морко район Шӱргыял тӱҥ школышто тунемше Леонид Андреевлан (снимкыште) ыштыме.
Г.КОЖЕВНИКОВА