Субъект-влаклан социальный, экономике велым вияҥашышт виктаралтше всероссийский конкурсышто Марий Эл сеҥыше лу регион радамыш лектын.
Тиде гана конкурсыш ончычсо дене таҥастарымаште, эн шуко – 80 регион гыч 1,4 тӱжем – йодмаш пурен. Попечительский совет эн сайлан 10 субъект гыч 12 практикым шотлен. Нунын кокла гыч иктыже – «Йоча-влакын шинчашт дене йӧнан оласе среда» проект, тудын авторжо – Марий Элысе Бауман лицейын тунемшыже Маргарита Жирова. Тиде паша «Ола вияҥмаш да инфраструктур» номинацийыште сеҥышыш лектын.
Г.КОЖЕВНИКОВА
