Идалык тӱҥалтыш гыч але марте Марий Элыште 57 военнослужащийлан да нунын ешыштлан илыме верым налаш 417 утла миллион теҥгем ойырымо.
Кум да утларак шочшан еш-влаклан илыме верым кугыжаныш черет деч посна налаш правам пуа. Тыге ты гана шуко шочшан 13 ешлан субсидий ойыралтын. Нунылан кажныжлан кокла шот дене 9,5 млн.теҥге дене колтымо. Тиде оксам еш-влак пачерым налаш веле огыл, тыгак шке проектышт дене пӧртым але коттеджым чоҥашат кучылт кертыт.
Л.КАМАЛЕТДИНОВА
